Татарстанда җәй матур төсләр белән сөендерүен дәвам итә!
Кизось Татарстанца сяда тов кеняртьфти мазы краскаса!
Чертушкина велеса цебярьста ётафтовсь "Халык жәүһәрләре" ("Народные жемчужины") татаронь фольклоронь ii межрайоннай фестивальсь «Лето в Татарстане»проектть видеса.
Фестивальсь касы! Тядде сонь географияц ламода келемсь: участникненди поладсть фольклорнай коллектифт 5 райоттнень эзда (Чистопольскяй, Аксубаевскяй, Черемшанскяй, Бавлинскяй, Ютазинскяй) и нльне шабрань Башкортостанцта!
7 номинацият, кемотть талант! Участникне няфнесть эсь велеснон эсь лацонь койснон – обуцяснон, мороснон и кштимаснон, виртуознайста морасть народнай инструментса-курайста сявомок скрипкати молемс. Башка мяль - мунажатонь кунардонь жанрати. Кода азозе Фаниль хазрат (Простые Челны с.мечетсь), ня духовнай моронятнень оцю путкссна од поколениять воспитандамаса.
Кизотне-аф перяфкст творчествати!Сембода од исполнительти ульсь аньцек 9 кизот, а сембода опытнайти – 70! Сядонга пяк лама участник кочкась татаронь народнай моронь исполнительхнень номинациясна.
Фестивальть мазоптозе фольклорнай инь цебярь коллектифнень выступлениясна, а стане жа рукоделиянь мастерхнень выставкасна, кона няфнезень коень ремеслатнень.
Шумордавсь мазы круговой илась, кона пуроптозень сембе участникнень и ваныхнень. Семьянь койхнень, нароттнень духовнай культураснон ванфтомасна - "Семья"национальнай проектть инь эрявикс ширензон эзда фкясь.