Яңа Чишмә районы урып –җыю лидерларына премияләр тапшырылды

Без укучыларыбызга алдан хәбәр иткән идек инде  , район башкарма комитеты урып-җыю чорында тырышып эшләп уңышларга ирешкән комбаенчы һәм шоферларга премияләр билгеләгән иде. 10 августта беренче  бишкөнлеккә нәтиҗә ясалды.

Комбайнчылар арасында    «Мега», «Лексион» һәм «Тукано» комбайны лидерлары -Сергей МУХАНОВ (а/ф «Кулон»), әтисе-ярдәмчесе  Федор МУХАНОВ белән  «Мега» комбайнында урып-җыю башыннан 325 тонна бөртек суктырганнар.

Комбайнчылар арасында  «Акрос» һәм «Дон» комбайннарында лидер- Владимир ГАРЕВ , ярдәмчесе абыйсы Александр белән  «Акрос-530» комбайнында урып-җыю башыннан 370 тонна бөртек суктырганнар .

Комбайнчылар арасында  «Нива» һәм «Енисей» комбайннарында әйбәт нәтиҗә күрсәтүчеләр Михаил КОЗЫРЕВ «Валеев Ф. Р.» КФХсыннан , СК-5 «Нива» комбайнында ул  130 тонна бөртек суктырган..

Шоферлар арасында а\ф «Кулон»нан  МАЗ шоферы Сергей КУПРИЯНОВ – ул комбаеннардан  495 тонна бөртек ташыган.

Район башлыгы Вячеслав Козлов һәм авыл хуҗалыгы бүлеге җитәкчесе Леонид Богомолов  алдынгыларга акчалата бүләк һәм кызыл байраклар тапшырды.

“Яңа Чишмә хәбәрләре” газетасы сайтыннан алынды.