Дәүләт хезмәтләрендә «Челтәрдә мошенниклардан саклану» сервисы эшли

«Халык өчен дәүләт» федераль проекты кысаларында Россия Минцифрысы һәм РФ Хөкүмәте каршындагы Аналитик үзәк Бердәм дәүләт һәм муниципаль хезмәтләр порталында «Челтәрдә мошенниклардан саклану» тормыш хәле буенча цифрлы сервисны гамәлгә ашырдылар.

Сервис түбәндәге сылтамада урнаштырылган: https://www.gosuslugi.ru/scammer_protection

Сервис нәрсә тәкъдим итә?

Кулланучыга ике сценарий тәкъдим ителә:

1. «Мошенниклар Дәүләт хезмәтләренә керү юлын алырга тырыша» — әгәр сез инде мошенникларга пароль яки СМС кодны әйткән булсагыз, нәрсә эшләргә кирәклеге турында адымлап инструкция, исәп язмасы өстеннән контрольне ничек торгызырга.
2. «Мин челтәрдә мошенниклардан сакланырга телим» — профилактика чаралары: кредитларга һәм займнарга үзалдыңа тыйу, күчемсез мөлкәт белән килешүләрне шәхси катнашмыйча тыею, элемтә шартнамәләрен рәсмиләштерүгә тыйу, ышанычлы контакт ярдәмендә исәп язмасын саклау, телефон шалтыратулары вакытында куркынычсызлык кагыйдәләре.

Сервис битендәге файдалы инструментлар:

• Уку курслары каталогы — мәгълүматларны резервка күчерү кагыйдәләреннән алып дипфейкларны тануга кадәр.
• Мошенниклык схемалары базасы — кыска тасвирлама белән 86 актуаль алдау ысулы.
• Цифрлы грамоталылык буенча тест — белем дәрәҗәсен билгеләргә ярдәм итә.
• «Киберкуркынычсызлык — бу гади!» бүлеге — цифрлы куркынычлар турында материаллар.
• Балалар һәм өлкән яшьтәге кешеләр өчен аерым тәкъдимнәр — челтәрдә иң зәгыйфь категорияләр.
• Файдалы сылтамалар белән искәрмә: ЭЭМ интерактив картасы, ЭЭМ сайты аша гариза бирү, бушлай юридик консультация, МФЦ картасы.
• Кредит тарихын тикшерү, шикле шалтырату турында хәбәр итү, рәсмиләштерелгән сим-карталарны тикшерү, зыянлы ресурска шикаять бирү өчен сылтамалар.
• Еш бирелә торган сорауларга җаваплар: «Контроль сорауны ничек көйләргә?», «Мошенниклар рәсмиләштергән кредитны ничек юкка чыгарырга?», «Дроп кем ул?» һ.б.

Үзалдыңа тыйу һәм ышанычлы контакт нәрсә ул?

Үзалдыңа тыйу — кешенең үзенә үзе куйган ирекле чикләү: аның исеменнән беркем дә кредитлар һәм займнар рәсмиләштерә алмасын өчен; күчемсез мөлкәт белән килешүләр аның шәхси катнашуыннан башка булмасын өчен; беркем дә аның исеменнән мобиль элемтә шартнамәсен төзи алмасын өчен.

Ышанычлы контакт — Дәүләт хезмәтләрендәге исәп язмасын өстәмә саклау. Ул туган яки дус була ала. Кулланучының исәп язмасына керүне торгызырга тырышканда, ышанычлы контакт номерына раслау өчен СМС киләчәк. Ул кулланучыны ялгыштырмыйлар икәненә ышанганнан соң гына сорауны раслый.

Новошешминск районы халкын сервис белән танышырга һәм үзеңне һәм якыннарыгызны мошенниклык гамәлләреннән саклау өчен аның мөмкинлекләреннән файдаланырга чакырабыз.