Татарстан Раисы премиясенә гаризалар кабул итү башланды
Татарстан Республикасы Раисының гражданлык җәмгыяте институтларын үстерүгә керткән өлеш өчен премиясен бирү буенча комитет документлар кабул итү башланганы турында хәбәр итә.
Кем тәкъдим ителә ала?
Премия бирелә:
- Россия Федерациясе гражданнарына;
- социаль ориентирлы коммерцияле булмаган оешмаларга – җәмәгать тарафыннан танылган, коммерцияле булмаган секторны үстерүгә зур өлеш керткән эшчәнлек һәм проектлар өчен, гражданлык җәмгыяте өлкәсендәге яңалык һәм оригинальлек белән аерылып торган фәнни тикшеренүләр өчен;
- Россия Федерациясе гражданнарына – Татарстан Республикасында гражданлык җәмгыяте институтларын үстерүгә керткән күпьеллык шәхси өлеш өчен.
Кем тәкъдим итә ала?
Тәкъдим итү Татарстан Республикасы территориясендә теркәлгән коммерцияле булмаган оешмалар, республика башкарма хакимият органнары каршындагы иҗтимагый советлар, шулай ук Татарстан Республикасы муниципаль берәмлекләрендә төзелгән иҗтимагый советлар тарафыннан башкарыла.
Нинди документлар кирәк?
Премия соискательләре Комитетка түбәндәге документларны тапшыра:
- тәкъдим итү хат;
- соискательнең анкет мәгълүматлары;
- соискательнең тәкъдим итүгә кадәрге елдагы эшчәнлеге турында мәгълүмат;
- соискательнең Татарстан Республикасында гражданлык җәмгыяте институтларын үстерүгә керткән өлеше турында мәгълүмат;
- гамәлгә ашырылган проектлар (инициативалары) тасвирламасы һәм проектларны (инициативаларны) гамәлгә ашыру нәтиҗәләре буенча ирешелгән социаль эффект турында күрсәтмә бирүче өстәмә материаллар.
Документларны кабул итү сроклары һәм урыны:
Документлар 2026 елның 1 сентябреннән 5 октябренә кадәр (кертеп) Татарстан Республикасы Иҗтимагый палатасында түбәндәге адрес буенча кабул ителә: Казан шәһәре, Батурин урамы, 7 йорт, 134 кабинет.
Бәйләнеш телефоны: (843) 567-80-94.
Өстәмә мәгълүмат ТР Иҗтимагый палатасының рәсми сайтында урнаштырылган: https://oprt.tatarstan.ru/premiya-raisa-respubliki-tatarstan-za-vklad.htm
Новошешминск районы халкын һәм оешмаларын конкурста катнашырга чакырабыз!