Башкарма комитет җитәкчесе Егор Тарнавский рәислегендә узган традицион эшлекле киңәшмәдә опека һәм попечительлек бүлеге эше җентекләп каралды
Башкарма комитет җитәкчесе Егор Тарнавский рәислегендә узган традицион эшлекле киңәшмәдә опека һәм попечительлек бүлегенең агымдагы чордагы эше җентекләп каралды. Киңәшмәдә Татарстан Республикасы Рәисе администрациясенең территорияләр белән эшләү идарәсе баш киңәшчесе Салават Рәхимов катнашты.
Бүгенге көндә бүлектә 64 бала турында кайгыртучы 43 гаилә исәптә тора.
Бүлек җитәкчесе Светлана Филатова балаларның яшәү шартларын системалы Тикшерүләр турында сөйләде. Мониторинг нәтиҗәләре уңай: барлык опекуннар да үз вазифаларын намус белән башкаралар. Балалар белән рәхимсез мөгамәлә итү очраклары теркәлмәгән.
Җәйге каникул чорында тәрбиягә алган һәм опекун гаиләләрендәге 19 бала балалар лагерьларында ял итә һәм сәламәтлекләрен яхшырта алды.
2025 ел башына торакка чиратта ятим балалар һәм ата-ана каравыннан мәхрүм калган балалар арасыннан 42 кеше торган. 2024 ел ахырында Казанда, Нурлатта һәм Яшел Үзәндә 6 кеше торак белән тәэмин ителгән.
Егор Тарнавский торак чиратына кую өчен документлар белән үз вакытында эшләүнең мөһимлеген ассызыклады:
"Опекуннар, балалар белән эшләргә кирәк. Без һәрвакыт бала ягына басарга тиеш".
Башкарма комитет җитәкчесе алимент түләтү проблемасына аерым игътибар бирде. Район суд приставларына ваемсыз ата-аналардан балигъ булмаган балалар файдасына бурычларын түләтү эшен көчәйтергә кушылган. Бүгенге көндә аның суммасы 8 миллион сумга якын.