Яңа Чишмә районы Советы депутатлары 2021 елга бюджетны раслады.
Яңа Чишмә районы Советы депутатлары 2021 елга бюджетны раслады.
Бүген Яңа Чишмә муниципаль районы Советының икенче утырышы булды.
Көн тәртибендә 10 мәсьәлә иде.
Төп мәсьәләләрнең берсе-2021 нче беренче укылышта бюджетны раслау.
Ул 18 пункттан һәм 19 кушымтадан тора, чыгымнарның һәр маддәсе буенча районның финанс-бюджет палатасы рәисе Елена Тухтаманова бюджет акчаларының нәрсә тотылачагы турында җентекләп сөйләде.
Утырышта район башкарма комитеты җитәкчесе вазифасына кабат конкурс игълан ителде.
Яңа Чишмә районының 2021 елга социаль-икътисади үсеш фаразы турында район Башкарма комитеты җитәкчесенең икътисад буенча урынбасары Луиза Исхакова сөйләде.
Ул билгеләп үткәнчә, бүгенге көндә Татарстан Республикасының Социаль-икътисадый үсеше рейтингында безнең район 7 нче урында тора.
Утырышта шулай ук кайбер норматив-хокукый актларга үзгәрешләр кертелде.
Утырыш ахырында Яңа Чишмәнең «Алтын ачкыч» балалар бакчасы мөдире Любовь Михеева ТР Мәгариф министрлыгының Рәхмәт хаты белән бүләкләнде.
Шунда ук «Лукойл»ГАҖ грантлары конкурсында җиңүчеләр дипломнарын да тапшырдылар.
12 проект җиңүче булды, откан акчаларның гомуми суммасы 2 млн.сумнан артык булды.
Вячеслав Козлов җиңүчеләргә рәхмәт белдерде һәм проектлар җитәкчеләре ярдәме белән грант акчалары Яңа Чишмә районының актуаль социаль мәсьәләләрен хәл итүгә юнәлдереләчәк, дип билгеләп үтте.