«ЭКОВЕСНА-2026» республика конкурсы башланды

Татарстан Республикасы Экология һәм табигать ресурслары министрлыгы «ЭКОВЕСНА-2026» республика конкурсын үткәрә. Чара санитар-экология икеайлыгы кысаларында оештырыла һәм 2026 елның 1 апреленнән 24 маена кадәр экология марафоны форматында дәвам итә.

Конкурс максатлары:

• Татарстан халкын табигать саклау акцияләренә җәлеп итү;

• муниципаль берәмлекләрдә җәмәгать экология инициативаларын һәм актив гражданнарны ачыклау;

• халыкны экологик яктан агартуның нәтиҗәле формасы буларак экологик хәрәкәтне үстерү;

• халыкның экологик белемен күтәрү;

• халыкта экологик тормыш рәвешен популярлаштыру;

• балаларда һәм яшьләрдә «чиста республика»да яшәргә һәм эшләргә омтылыш тәрбияләү;

• халык арасында һәршимбәлекләр һәм башка эколог-ориентлаштырылган чаралар уздыру буенча яңа традицияләр формалашуга ярдәм итү.

Ничек катнашырга?

1. Конкурс дәвамында катнашучылар марафон биремнәрен үтиләр — һәр атна аерым темага багышлана.

2. Катнашу өчен «ВКонтакте»дагы чат-бот аша гариза бирергә кирәк. Сылтама: https://vk.ru/app7062840#mineco_rt_konkurs&force=1

3. Үтәлгән бирем турында мәгълүматны катнашучылар «ВКонтакте» социаль челтәрендәге үз битләрендә бастыралар (конкурс вакытында бит ачык булырга тиеш).

4. Һәр атна ахырында (атна тәмамланганчы) катнашучы чат-ботка отчет җибәрә. Отчетта «ВКонтакте»да бастырылган постка сылтама(лар) һәм чараның кыскача тасвирламасы булырга тиеш.

Сораулар буенча телефоннар: 8 (843) 267-68-11, 8 (843) 264-23-67.

Без Новошешминск районының барлык халкын конкурста актив катнашырга һәм республиканың экологик хәлен яхшыртуга үз өлешләрен кертергә чакырабыз!