Чуаш Чабаксары спортчылары барлык призлы урыннарны да диярлек алдылар
Өлкәннәр декадасы алдыннан Олимп УСЗда пенсионерлар арасында ТАССРның 100 еллыгына багышланган XX «Өченче яшь» спартакиадасының I этабы узды. Сәламләү сүзләре һәм алда торган ярышларда уңышлар теләп, Яңа Чишмә авыл җирлеге башкарма комитеты рәисе Анастасия Козлова һәм клиентлар хезмәте җитәкчесе Лилия Хиразева чыгыш ясады.
Чарада район үзәгеннән, Чабаксар, Ленин һәм Петропавловка авыл җирлекләреннән барлыгы 20гә якын пенсионер катнашты.
Ярышлар пуля белән ату кебек спорт төрләре буенча узды ,ир-атлар арасында 1 урынны Чуаш Кичүеннән Ильин Валерий алды. Чабаксар, хатын-кызлар арасында-Чумакова Екатерина (Ленино), дартс (ир – атлар арасында 1 урын-Тихонов Василий (Чуаш Кичүе). Чабаксар, хатын-кызлар арасында Валиуллина Гөлфия (Яңа Чишмә), скандинавия йөреше ( ир-атлар арасында Тихонов Василий (Чуаш Кичүе). (Чабаксар), хатын-кызлар арасында-Шиһапова Мөслимә (Яңа Чишмә).
Яшьләр эшләре һәм спорт бүлеге начальнигы Нәзирә Кашапова барлык спортчыларга да катнашканнары өчен рәхмәт белдерде һәм җиңүчеләргә кыйммәтле бүләкләр тапшырды.
3 октябрьдә җиңүчеләр командасы безнең районны Казан шәһәрендә узган ярышларның республика этабында тәкъдим итәчәк.
