Хезмәт коллективларында аңлату эшләре алып бару.
Мәгълүмати-аңлату эшләре план-графигы нигезендә клиент хезмәте җитәкчесе (бүлек хокукларында) Лилия Хираҗева «Забота» үзәге, Финанс-бюджет палатасы, ТР Казначылык Департаментының территориаль бүлеге, мәгариф бүлеге хезмәт коллективлары белән очрашты.
Чыгышның төп темасы хезмәт эшчәнлеге турындагы мәгълүматларны электрон формада алып баруга күчү булды.
Лекция барышында Лилия Хираҗева тыңлаучыларның игътибарын 2020 елның 31 октябренә кадәр хезмәткәрләргә мәгълүматны традицион кәгазьдә яки электрон формада алып бару ысулы турында ел ахырына кадәр сайлау кирәклеге турында язмача хәбәр итү вакытын озынайтуга юнәлтте.
Шулай ук ул электрон хезмәт кенәгәләренең өстенлекләре турында сөйләде, шулай ук хезмәткәрләрне ел тәмамлануын көтеп тормыйча, хәзер үк, кадрлар хезмәтенә тиешле гариза биреп, үз сайлавын ясарга чакырды. Кадрлар бүлеге гаризалар буенча хисапны киләсе айның 15 числосыннан да соңга калмыйча җибәрергә тиеш.
Лилия Хираҗева РФ Дәүләт һәм муниципаль хезмәтләр Порталы, РПФ сайтында Шәхси кабинет аша РПФ хезмәтләрен электрон рәвештә алу ысуллары турында сөйләде, шулай ук КФҮ аша алырга мөмкин булган хезмәтләр турында сөйләде.
Моннан тыш, ул РПФ консультацияләрен телефон аша да алырга мөмкин булуы турында мәгълүмат җиткерде, ләкин шәхси мәгълүматларга кагылышлы киңәйтелгән мәгълүмат алу өчен кодлы сүз дип атарга кирәк. Кодлы сүзне Россия Пенсия фонды сайтында мөстәкыйль рәвештә шәхси кабинет профилендә яки клиент хезмәтенә гариза белән мөрәҗәгать итеп билгеләргә мөмкин. Клиент хезмәтендә кабул итү алдан язылу буенча гына башкарыла. 2-26-71 телефоны буенча язылырга мөмкин.
Очрашу ахырында Лилия Хиразева катнашучыларның сорауларына җавап бирде һәм берничә шәхси консультацияләр үткәрде.