Бүген Татарстанда кинотеатрлар, концерт заллары һәм цирк эшли башлый

2020 елның 17 августы, дүшәмбе

Коронавирус таралуны профилактикалау чаралары турында карарның яңа редакциясе хокукый мәгълүмат порталында урнаштырылган. Төзәтмәләр бүгенге көннән үз көченә керә.

Документ нигезендә, театрлар, кинотеатрлар (кинозаллар), цирк, концерт залларының эше тамашачылар залын 50% тан да артмаган һәм тамашачылар өчен тигез утырту шарты белән рөхсәт ителә.

Бу көннән башлап ачык һавадагы чараларда (агарту, ял, тамаша, күргәзмә, күңел ачу) бер үк вакытта 100гә якын кеше катнаша ала, биналарда – 50дән дә артык түгел. Соңгы очракта бер катнашучыга кимендә 4 кв. метр мәйдан туры килергә тиеш. Кагыйдә шулай ук үзгәрешсез кала – Роспотребнадзор идарәсенең планлаштырылган чара турында аны үткәрү датасына 7 көннән дә ким булмаган хәбәрнамәсе.