Россия Пенсия фондының дәүләт хезмәтләре электрон рәвештә күрсәтелә
Россия Пенсия фондының дәүләт хезмәтләре электрон рәвештә күрсәтелә
Яңа Чишмә районында клиентлар хезмәте хәбәр иткәнчә, Россия Пенсия фонды тарафыннан күрсәтелә торган дәүләт хезмәтләренең күбесен район халкы өйдән чыкмыйча гына электрон рәвештә ала ала.
Пенсия фонды сайтында «Гражданинның шәхси кабинеты» урнаштырылган, аның функцияләре даими рәвештә киңәйтелә, шуның нәтиҗәсендә ул РПФ линиясе буенча барлык түләүләрне дә үз эченә ала: пенсияләр, ай саен акчалата түләү, пенсиягә федераль социаль өстәмә, социаль хезмәтләр җыелмасы, ана капиталы, шулай ук 3 яшьтән алып 16 яшькә кадәрге балалар тәрбияләүче гаиләләргә 10 мең сум күләмендә бер тапкыр бирелә торган түләү һәм 5 мең сум күләмендә айлык түләүне үз эченә ала.
Килүчеләргә уңайлы булсын өчен, кабинет алына торган хезмәтләр (пенсияләр, социаль түләүләр, ана капиталы һ.б.) төре буенча гына түгел, ә теркәү белән яки аннан башка да керә ала. Шәхси мәгълүматка (теләсә кайсы төр гариза белән мөрәҗәгать итү) катнашы булган хезмәтләрдән файдалану өчен дәүләт хезмәтләренең бердәм порталында расланган исәпкә алу язмасына ия булырга кирәк.
Эшләүче гражданнарның формалашкан пенсия хокуклары, эшләнгән пенсия баллары, үз стажың озынлыгы, эш бирүчеләр тарафыннан иминият взнослары күләме турында мәгълүмат алу мөмкинлеге бар. Ә пенсионерлар пенсияне яңадан исәпләүгә, пенсияне һәм социаль түләүләрне яңадан исәпләү ысулын үзгәртүгә һ.б. гаризалар җибәрә ала.
Дәүләт хезмәтләре порталында теркәлмичә, Яңа Чишмә районында яшәүчеләр кабул итүгә алдан язылу, белешмәләр һәм документлар заказы, ПФРга мөрәҗәгать юллау кебек электрон сервислардан файдалана алалар.
Ведомствода билгеләп үтелгәнчә, гражданнар тарафыннан Интернет аша дәүләт хезмәтләрен алу һәм Пенсия фондының территориаль органнарына шәхси мөрәҗәгать итүдән башка Пенсия фонды белән аралашуны уңайлы һәм заманча итә.