1 октябрьдә Халыкара өлкәннәр көне билгеләп үтелә

1 октябрьдә  Халыкара   өлкәннәр  көне билгеләп үтелә. Кайбер чаралар безнең интернат-йортта да узды. Биредә Яңа Чишмә урта мәктәбенең 7 сыйныф укучылары бәйрәм концерты куйдылар. "Селяночка" ансамбле һәм "Зажигай"  төркеме, Илназ һәм Ләйсән Шәйхетдиновларның чыгышлары  биредәге өлкәннәр бик яратып карады.

            Мәдәният йорты хезмәткәрләре "Көзге мәрхәмәтлелек атнасы" кысаларында  интернат-йортта чәчәкләр ясау буенча мастер -класс һәм күңелле викторина уздырдылар.

            "Хәйруллин фонды" ннан исә быел Г.П.Новикова азык-төлек җыелмалары китерде һәм  әби, бабайларга  сәламәтлек, шатлык, игелеклелек теләде.