Ни өчен Яңа Чишмәдә ут өчен түләү квитанцияләрен вакытында таратмадылар һәм аны кая барып түләргә?

Февральдә яңачишмәлеләр январь ае өчен утка түли алмыйча тордылар. 

Утка-газга вакытында түләүчеләр борчылдылар, аларның бер дә бурычлы булып каласы килмәде.

Тоткарлауның сәбәбе нидә соң?  

АО «Татэнергосбыт» хәбәр итүенчә,   2017 нче елның 1 февраленнән ут өчен түләү квитанцияләрен яңа оешма ЗАО «Издательский дом «Экстра-Балт» аша таратачак. (элек ФГУП «Почта России»аша таратыла иде.).

Тоткарлау шуның белән бәйләнгән.

Хәбәр итәбез,  квитанцияне  почта бүлегендә, теләсә-кайсы  банкта, банкомат һәм  банк терминалы,  АО «Татэнергосбыт»  офисы  кассаларында түләргә мөмкин.