Урып-җыю темплары арта

2014 елның 6 августы, чәршәмбе
Районның барлык авыл хуҗалыгы оешмалары игеннәрне суктыруга керештеләр, бәхеткә көннәр дә матур тора. Авыл хуҗалыгы һәм азык-төлек идарәсе комбайнчылар һәм шоферлар арасында хезмәттәшлек ярышының икенче бишкөнлегенә йомгак ясады, җиңүчеләргә кызыл әләмнәр һәм акчалата премияләр тапшырылды.
 
 
“Нью-Холланд“ комбайннары арасында “Кулон“ агрофирмасы комбайнчысы Владимир Гарев беренчелекне тота. Ярдәмчесе – улы Максим белән 5 көн эчендә ул 268 тонна бөртек суктырган (урып-җыю башланганнан бирле – 543 тонна).
“Козлова М.И.“ КФХ-нан Дмитрий Козлов 5 көндә 391 тонна бөртек суктырган (барлыгы 563 т), ул “Лексион“ һәм “Мега“ комбайннарында эшләүче комбайнчылар арасында хаклы рәвештә беренче урында бара.
“Акрос-530“ һәм “ДОН-1500“ комбайннары арасында ике бишкөнлектә дә “Козлова М.И.“ КФХ-нан Евгений Остолопов беренче урында. 5 көндә ул – 229 тонна, урып-җыю башланганнан бирле 380 тонна бөртек суктырган.
“Нива“ һәм “Енисей“ комбайннары арасында бу бишкөнлектә “Зубов В.С.“ КФХ-нан Сергей Буйняков алга чыккан. 5 көндә ул 175 тонна бөртек суктырган (урып-җыю башланганнан бирле – 553 т). Аңа премия тапшырган вакытта ул борчак суктыра иде.
Шоферлар арасында лидерлар алышынган -  урып-җыю башланганнан бирле “Кулон“ а/ф-дан МАЗ-да Фәргат Шәрипов комбайннардан ындыр табагына 790 тонна ашлык ташыган, бу иң зур күрсәткеч.
Күрсәткечләр 2014 елның 4 августына алынган.
Сайттагы барлык материаллар лицензия буенча тәкъдим ителә:
Creative Commons Attribution 4.0 International