Бүген Яңа Чишмәдә яшь якташларны РФ Кораллы Көчләре сафларына озатуга багышланган тантаналы митинг узды.
Бүген Яңа Чишмәдә яшь якташларны РФ Кораллы Көчләре сафларына озатуга багышланган тантаналы митинг узды.
Быел язгы чакырылыш кампаниясе кысаларында Ватанны саклаучылар сафын 10 яңа Чишмәле тулыландырачак. Балаларга район башлыгы Егор Тарнавский, Чистай һәм Яңа Чишмә районнары хәрби комиссары Сергей Коцын, иҗтимагый оешмалар җитәкчеләре котлау сүзләре белән мөрәҗәгать иттеләр.
Егор Тарнавский балаларга мөрәҗәгать итеп, ата-бабаларның сугышчан традицияләрен саклауның мөһимлеген ассызыклады һәм яңа хәрбиләргә лаеклы хезмәт теләде.
"Армиядә хезмәт итү-бурыч кына түгел, ул батырлык һәм характерны формалаштыру мәктәбе. Барлык сынауларны да намус белән үтәвегезне, антыгызга тугры булуыгызны һәм өйдә сезне көтүләрен һәм сезгә ышануларын истә тотуыгызны телим."- диде Егор Тарнавский.
Тантаналы өлеш тәмамлангач, митингта катнашучылар мемориалга чәчәкләр салдылар.