Милли антитеррор комитетының 20 еллыгы белән котлау
Милли антитеррор комитеты 2006 елның 10 мартында «Терроризмга каршы тору турында» Федераль закон һәм Россия Федерациясе Президентының «Терроризмга каршы тору чаралары турында» Указы көчкә керү сәбәпле оештырылды.
МАК — федераль башкарма хакимият органнары, Россия Федерациясе субъектларының башкарма органнары, җирле үзидарә органнары, шулай ук Россия Федерациясе субъектларындагы антитеррор комиссияләре, Россия Федерациясе субъектларындагы оператив штаблар һәм диңгез районнарындагы (бассейннарындагы) оператив штаблар тарафыннан терроризмга каршы тору эшчәнлеген оештыру һәм координацияләү максатыннан төзелгән коллегиаль орган.
Комитетның төп бурычлары: терроризмга каршы торуның гомумдәүләт системасы халәтен мониторинглау, Россия Федерациясе Президентына терроризмга каршы тору өлкәсендә дәүләт сәясәтен формалаштыру һәм норматив-хокукый көйләүне камилләштерү буенча тәкъдимнәр әзерләү, терроризмга каршы тору буенча эшчәнлекне оештыру һәм координацияләү, шулай ук күрсәтелгән эшчәнлекне мәгълүмати тәэмин итү.
Терроризмга каршы торуның гомумдәүләт системасының төбәк бүленешләре булып түбәндәгеләр тора:
-
Россия Федерациясе субъектларында һәм муниципаль берәмлекләрдә антитеррор комиссияләре;
-
Россия Федерациясе субъектларында һәм диңгез районнарында (бассейннарында) оператив штаблар;
-
муниципаль берәмлекләрдә һәм диңгез районнарында (бассейннарында) оператив төркемнәр.
Мәсәлән, МАКның турыдан-туры контроле астында Татарстан Республикасындагы антитеррор комиссиясе аппараты тарафыннан 2024–2028 елларга Россия Федерациясендә терроризм идеологиясенә каршы торуның Комплекслы планы чаралары уңышлы тормышка ашырыла.
Татарстан Республикасы халкында антитеррор дөньякарашы формалаштыру максатыннан дистәләгән мең гомумпрофилактик чара уздырыла: мәдәни, спорт, иҗади чаралар, шул исәптән Терроризмга каршы көрәштә теләктәшлек көненә (3 сентябрь), Ватанны саклаучылар көненә (23 февраль), Ватан Геройлары көненә (9 декабрь) багышланган чаралар.
Чараларны әзерләүдә һәм уздыруда сәяси эшлеклеләр, иҗтимагый һәм дини оешмаларның абруйлы вәкилләре, фән, мәдәният һәм спорт эшлеклеләре, махсус хәрби операциядә катнашучылар, экспертлар, хокук саклау органнары хезмәткәрләре, журналистлар, иҗтимагый эшлеклеләр, террорчылык актлары шаһитлары һәм террорчылар гамәлләреннән зыян күрүчеләр актив катнаша.
2025 елда Татарстан Республикасы территориясендә уздырылган профилактик чараларда күзгә-күз форматта 1 млннан артык кеше катнашты, онлайн-катнашу 2,5 млннан артык карау тәшкил итте, республиканың профилактика субъектлары тарафыннан 1500дән артык материал бастырылды, бөтен илдән 120дән артык эксперт һәм лектор җәлеп ителде, шулай ук 60тан артык медиаконтент булдырылды.
Татарстан Республикасындагы антитеррор комиссиясе аппараты җитәкчелеге Милли антитеррор комитеты коллективына фидакарь хезмәтләре, бурычларына тугрылыклары һәм Ватанга бирелгәнлекләре өчен рәхмәт белдерә. МАК хезмәткәрләренең Россия Федерациясе гражданнары иминлеген тәэмин итүгә көндәлек керткән өлеше тирән хөрмәткә лаек!