QR-код белән түләүләр, комиссиясез күчерүләр һәм бер кликта исәп-хисап: Татарстан халкына һәм эшмәкәрләренә Тизплатүләр системасы мөмкинлекләре турында
ТПС көндәлек финанс мәсьәләләрен тизрәк, уңайлырак һәм отышлырак хәл итәргә мөмкинлек бирә. Гражданнар һәм оешмалар өчен акча күчерүләрне һәм товарлар, хезмәтләр өчен түләүне гадиләштерүче киң мөмкинлекләр бар.
Республика халкы өчен:
-
Комиссиясез күчерүләр. Айга 100 мең сумга кадәр акчаны башка банкларга телефон номеры буенча комиссиясез күчерергә мөмкин. Төрле банкларда үз счетларыгыз арасындагы күчерүләр — аена 30 млн сумга кадәр дә комиссиясез.
-
Картасыз түләү. Кибетләрдә, кафеларда һәм ягулык салу урыннарында смартфон белән QR-кодны сканерлап, NFC-табличкалар яки сайттагы төймә аша түләргә була. Моның өчен пластик карта кирәк түгел — банк кушымтасы яки СБПэй җитә.
-
Кешбэк һәм ташламалар. «Привет!» (vamprivet.ru) программасында ТПС аша түләгән өчен тиз арада кешбэк алырга мөмкинлек бирүче акцияләр эшли.
Эшмәкәрлек өчен:
-
Түбән комиссияләр. ТПС аша түләүләр кабул итү өчен максималь комиссия 0,7% тәшкил итә, бу традицион эквайрингтан 2,5–3 тапкырга түбәнрәк. Кайбер товарлар һәм хезмәтләр өчен 0,4% ставкасы гамәлдә.
-
Тиз кертем. Акча исәп-хисап счетына шунда ук керә, бу касса өзелешләрен булдырмый.
-
Уңайлы түләү ысуллары. QR-код, түләү сылтамасы (мессенджерларда һәм социаль челтәрләрдә тарату өчен) яки сайттагы төймә аша түләүләр кабул итәргә мөмкин.
-
Юридик затлар арасында күчерүләр (B2B). Контрагентлар белән тиз һәм куркынычсыз исәп-хисаплар. Озын түләү күрсәтмәләрен тутыру таләп ителми. Тәэмин итүченең QR-кодын сканерлау яки сылтамасына күчү генә кирәк.
-
«Түләү турында сорау» сервисы. Контрагентларга онлайн режимда электрон счетлар тәкъдим итү, аларга ТПС аша түләү өчен автоматик сылтама өстәлә.
-
Универсаль QR-код. Бер кодта түләүнең барлык мөмкин булган ысулларын берләштерергә мөмкинлек бирә. Сатып алучы үзенә уңайлы түләү кушымтасын сайлый.
ТПСта катнашучы банклар исемлеге һәм тулырак мәгълүмат sbp.nspk.ru сайтында урнаштырылган.