Екатерина Бистәсе авылында гражданнар җыены узды. Авыл халкы район башлыгы Вячеслав Козловка үз сорауларын бирә алды.
Очрашу авыл җирлеге башлыгы смга Смурыгина хисабы белән башланып китте.
Авылда 374 кеше яши, 2024 елда 2 бала туган, 12 кеше үлгән. Йорт хуҗалыкларында 127 баш эре мөгезле терлек бар. Ярдәм кысаларында авыл кешеләре терлек асраган өчен 370 мең сумнан артык субсидия алдылар.
Үзара салым программасы буенча авылда Приовражная урамындагы юлның бер өлешен ремонтлаганнар, суүткәргечне ремонтлаганнар, чишмәне төзекләндергәннәр, авылны чабып чыкканнар һәм кыш көне юлларны чистартканнар.
Участок уполномоченные Динар Шәйхетдинов халыкны уяу булырга һәм телефон мошенникларына ышанмаска өндәде.
Вячеслав Козлов 2024 елда район территориясендә ниләр эшләве һәм нинди күрсәткечләргә ирешүе турында хисап тотты.
Очрашу азагында муниципалитет башлыгы ассызыклаганча, муниципалитет хәл итә торган төп мәсьәләләр халыкның социаль проблемалары булды һәм шулай булып кала да. Очрашу конструктив узды, үзара аңлашу табылды. Район башлыгы авылның иҗтимагый тормышында актив катнашкан һәм СВО зонасына сугышчыларга ярдәм җыюда ярдәм иткән авыл халкына рәхмәт хатлары тапшырды.