6-11 июньдә Казанда XV Халыкара "Нәүрүз" театр фестивале узачак"
2021 елның 6-11 июнь көннәрендә Казанда төрки халыкларның XV «Нәүрүз»Халыкара театр фестивале узачак. Фестиваль программасында Казахстан, Кыргызстан, Төркмәнстан, Үзбәкстан, Таҗикстан һәм Россиянең милли Республикаларыннан 22 театр катнаша.
"Узган "Нәүрүз" фестивале Башкортстанга багышланган булса, быел "Нәүрүз" Төньяк төркиләрнең театр сәнгате эгидасы астында узачак. Фестивальдә Хакасиядән барлыгы 2 театр, шулай ук Алтай һәм Тыва театрлары катнашачак, - дип сөйли фестивальнең сәнгать җитәкчесе Фәрит Бикчәнтәев. - Фестивальнең репертуары төрлелек белән аерылып тора: монда Бөтендөнья классикасы да, этник риваятьләр дә, заманча драматургия дә. Фестиваль барлыгы 500 дән артык катнашучыны җыячак".
«Фестиваль быел Татарстан Республикасында Президент Рөстәм Миңнеханов тарафыннан игълан ителгән Туган телләр һәм Халык бердәмлеге елында уздырыла. Төрки халыкларның «Нәүрүз» Халыкара театр фестивале – аралашу, ярышу гына түгел, ә безнең тамырларыбызга мөрәҗәгать итү мөмкинлеге дә, бу - төрки халыкларның театр берләшмәсе өчен актуаль булачак уртак принципларны, кыйммәтләрне эзләү дә", - дип ассызыклады Татарстан Республикасы Мәдәният министрының беренче урынбасары Юлия Әдгамова.
XV "Нәүрүз" спектакльләре Казанның 6 театр мәйданчыгында тәкъдим ителәчәк: Камал театрының Зур һәм Кече заллары, "Әкият" курчак театрының Зур һәм Кече заллары, Тинчурин театры, Кариев театры. Спектакльләр шулай ук Кабан күле яр буенда ачык һавада уйналачак. Билетлар кассаларда, театр сайтларында, шулай ук билет операторларында бирелә.
Фестивальне оештыручылар - «Мәдәният» милли проектын гамәлгә ашыру кысаларында, Россия Федерациясе Театр эшлеклеләре берлеге һәм Татарстан Республикасы Театр әһелләре берлеге ярдәмендә Татарстан Республикасы Мәдәният министрлыгы. Оештыручысы-Татар дәүләт академия театры.Г. Камал Исемендәге Татар Дәүләт Академия Театры
«Нәүрүз» нең төп максаты - театрара элемтәләрне ныгыту һәм Россия Федерациясенең һәм чит илләрнең төрки һәм башка халыкларының театр мәдәниятен үзара баету. Беренче тапкыр «Нәүрүз» фестивале 1989 елда Алма-Атада СССР Театр эшлеклеләре берлеге карары белән үткәрелә. СССР таркалганнан соң ел саен үткәрелә торган фестиваль 5 ел дәвамында үткәрелмәде. «Нәүрүз» фестиваленең яңарышы 1998 елда, Татарстан Республикасы инициативасы белән оештырылды.
Хәзердән башлап фестиваль республика башкаласы Казанда, дүрт елга бер тапкыр уздырыла һәм халыкара статус ала. 2009 елдан башлап Фестиваль ике елга бер тапкыр уза. 2010 елдан башлап фестиваль эгидасы астында "Нәүрүз"Халыкара театр-белем бирү форумы уза. Форум кысаларында актерлык һәм режиссерлык осталыгы, театр белеме һәм театр сәнгате өлкәсендә менеджмент буенча семинарлар һәм мастер-класслар үткәрелә.