Стаж пенсияне формалаштыруда мөһим роль уйный һәм аның күләменә тәэсир итә
Яңа Чишмә районында клиентлар хезмәте стажның рәсми хезмәт хакы һәм эш бирүче тарафыннан мәҗбүри пенсия иминиятенә күчерелгән иминият взнослары суммасы белән бергә иминият пенсиясен формалаштыруда мөһим роль уйнавын аңлата. Иминият стажы, ягъни эш бирүче мәҗбүри пенсия иминиятенә иминият взносларын исәпләп чыгарган һәм түләгән гражданинның эш чоры никадәр озаграк булган саен, аның пенсия хокуклары да шулкадәр күбрәк булачак, чөнки хезмәт эшчәнлегенең һәр елында билгеле бер күләмдә пенсия коэффициенты исәпләнә. Димәк, пенсиягә чыкканда пенсия коэффициенты күбрәк булган саен, аның күләме дә югарырак булачак.
Шул ук вакытта иминият стажына кеше эшләмәгән, ә социаль әһәмияткә ия эшчәнлек алып барган иминият булмаган чорлар да исәпләнә. Мондый чорларга түбәндәгеләр керә: чакырылыш буенча хәрби хезмәт, һәр бала 1,5 яшькә җиткәнче (әмма 6 елдан да артык түгел), I төркем инвалидны, инвалид баланы, 80 яшькә җиткән гражданны карау.
Исегезгә төшерәбез, яңа формула буенча картлык буенча иминият пенсиясенә хокук барлыкка килү өчен кирәкле стажга карата таләпләр этаплап арта (елына бер ел), һәм 2024 елда ул 15 ел тәшкил итәчәк.
Шунысын да билгеләп үтәргә кирәк, озак вакытлы иминият стажы картлык буенча вакытыннан алда иминият пенсиясен билгеләү хокукын бирә ала. Бу-2019 елның 1 гыйнварыннан пенсия законнарындагы үзгәрешләр белән бәйле рәвештә барлыкка килгән яңа шарт. Ир – атларда 42 елдан да ким булмаган иминият стажы, хатын-кызларда 37 ел иминият стажы күздә тотыла. Шул ук вакытта әлеге иминият стажын исәпләгәндә, аңа Россия Федерациясе территориясендә башкарылган эш һәм башка эшчәнлек чорлары гына кертелә, бу чорларда РПФКА взнослар исәпләнгән һәм түләнгән, шулай ук вакытлыча эшкә яраксызлык чорында мәҗбүри социаль иминият буенча пособие алу чорлары (мәсәлән, больничный) кертелгән. Югарыда күрсәтелгән иминиятләштерелмәгән чорлар Озак вакытка пенсия билгеләгәндә исәп-хисапка кертелми.