Черемухово мәктәбендә белем бирүнең сыйфатын күтәрүдә заманча алымнар проблемалары турында фикер алыштылар
Бүген Черемухово урта мәктәбе базасында «Мәктәп белеменең сыйфатын күтәрүгә заманча карашлар» дигән тема буенча укыту-тәрбия эшләре буенча директор урынбасарларының методик семинары булып узды. Семинарда катнашучылар физика укытучысы Горбунова В. А. һәм сәнгать укытучысы Данилова Е. И. дәресләрендә булдылар; Черемухово мәктәбенең сыйныф җитәкчесе Малолеткова Л. Т.ның «Әйдәп баручы ярымшарны бәяләү» психологик тренингында катнаштылар; Черемухово урта мәктәбенең инглиз теле укытучысы А. Ф. Морозованың “Дәресләрдә һәм дәрестән тыш эшчәнлектә укучыларның тәнкыйди фикерләвен үстерү” темасына, Ленино урта мәктәбенең инглиз теле укытучысы С. А. Феоктистованың “Болыт технологиясе дәрескә атлый” темасы буенча, Черемухово урта мәктәбенең рус теле укытучысы Л.Г. Шабалдинаның “Мәгълүмат белән эшли белү чарасы буларак тоташ булмаган текстлар» темасына мастер-класслар карадылар.
Семинарның киңәшмә өлешендә УМР буенча начальник урынбасары Г.Л. Сираева гриппны, ОРВИ һәм короновирус инфекциясен профилактикалау эшен оештыру турында мәгълүмат җиткерде, ВПРны объектив үткәргән өчен җаваплылык турында кисәтте, БДИга әзерлек буенча үткәреләчәк чаралар турында сөйләде.