14 нче март көнне Норлат шәһәрендә Әлфия Авзалова исемендәге II Халыкара конкурсының зона сайлап алу туры үтте. Конкурста Давлетшина И.К җитәкчелегендә Чаллы Башы мәдәният йортыннан 10 нчы сыйныф укучысы Вәлиева Алинә “Нәфис сүз уку остасы” номинациясендә катнашты. Ул, Мөхәммәт Мирзаның “Агыйделдә ак пароход” шигырен сөйләп, октябрь аенда Казан шәһәрендә узачак 2 нче турга үтте. Аңа киләчәктә дә уңышлар телибез.