ЯҢАЛЫКЛАР


9
апрель 2020 ел.
пәнҗешәмбе

Иртәдән үк эшмәкәрләрнең бу чорны ничек кичерүләре турында район башкарма комитеты җитәкчесенең икътисад буенча урынбасары Луиза Исхакова сөйләде.


8
апрель 2020 ел.
чәршәмбе

Татарстан халкы Россия Федерациясе Авыл хуҗалыгы министрлыгы тарафыннан эшләнгән ташламалы авыл ипотекасы программасына актив кушылды. Ипотеканы, авыл җирлегендә эшләвенә һәм яшәвенә бәйсез рәвештә, Россия Федерациясенең 21 яшьтән 65 яшькә кадәрге теләсә кайсы гражданы алырга мөмкин. Мәс., авылга күченергә теләүче. Әмма төзелеш объекты яисә җир бары тик авыл территорияләрендә генә булырга тиеш, боларга авыллар, поселоклар һәм авыл агломерацияләре, ягъни халкы 30 мең кешегә кадәр булган шәһәр тибындагы поселоклар һәм кечкенә шәһәрләр керә. Мәсәлән, Әгерҗе, Аксубай, Апас, Арча, Буа, Лаеш, Минзәлә районнары һәм башкалар.

Татарстан авыл хуҗалыгы җитештерүчеләренә Татарстан һәм Россия бюджетыннан бу елның гыйнвар һәм февраль айларында сатылган сөт өчен 1,2 млрд сум күләмендә субсидияләр күчерелде.

Аязучан болытлы һава.

Төнлә һәм иртән урыны белән яңгыр һәм юеш кар рәвешендә явым-төшем

Татарстан Республикасы Авыл хуҗалыгы һәм азык-төлек министрлыгы 2020 елда матди-техник базаны ныгытуга грант бирү өчен авыл хуҗалыгы кулланучылар кооперативларын сайлап алу конкурсы башлануы турында игълан итә.

Яңа коронавирус йогышы таралуны булдырмау, гражданнарның сәламәтлеген саклау буенча килеп туган вәзгыять шартларында максималь җайга салынган гамәлләр һәм үз сәламәтлекләре өчен генә түгел, ә тирә-юньдәгеләрнең сәламәтлеге өчен дә җаваплылыкны тану таләп ителә.
Элегрәк без хәбәр иткән идек инде, 30.03.2020 елдан башлап территориаль салым органнарында салым түләүчеләрне кабул итү туктатылган, бу тәртип хәзерге вакытта да дәвам итә.

Татарстан Республикасы Авыл хуҗалыгы һәм азык-төлек министрлыгы хәбәр итә, 6 апрельдә Милли товар биржасы товар интервенцияләрендә катнашу өчен аккредитация алуга гаризалар кабул итә башлады. Сату күләме 1,5 млн. тоннага кадәр тәшкил итәчәк, сатулар башланган көн – 13 апрель.

Россия Пенсия фондының Татарстан Республикасы буенча бүлеге үз-үзеңне изоляцияләү режимын сакларга кирәклеген искә төшерә.

Татарстан Республикасы буенча Пенсия фонды бүлеге хәбәр иткәнчә, Президент Владимир Путин кушуы буенча Россия Пенсия фонды, закон буенча, вакыт-вакыт документлар белән расларга тиеш булган түләүләрне кичектереп торуга керешәчәк.

Бу, барыннан да элек, пенсияләргә һәм ана капиталыннан айлык түләүгә кагыла.

Әйтик, 18 яшь тулган туендыручысын югалту буенча пенсия алучыларга якындагы айларда уку фактын раслау һәм түләүләрне озайту өчен Пенсия фондына мөрәҗәгать итәргә кирәкми. 1 июльгә кадәр уку узу шаблон буенча башкарылачак.

Шул ук вакытта Россия Пенсия фондының территориаль органнары укучыларга пенсия түләүне озайту турында Карар кабул итәчәк, шул исәптән уку йортларыннан килгән мәгълүматлар, шулай ук хезмәт эшчәнлеге турында булган белешмәләр нигезендә.

Ышаныч кәгазе буенча пенсия түләү очрагында да шундый ук тәртип кулланыла. Закон мондый хәлдә пенсионерга елга бер тапкыр пенсия фондының клиент хезмәтенә яки банкка, мәсәлән, китерү оешмасына килү юлы белән түләү алуны раслауны йөкли. Июльгә кадәр пенсия алу факты килешү буенча күздә тотылачак һәм пенсионерның акчалары хәтта түләү чоры тәмамланганнан соң да киләчәк.

Ана капиталыннан ай саен түләнә торган акча алучы гаиләләргә дә керемнәрен раслау һәм, димәк, бу ярдәм чарасына хокукны раслау өчен, Пенсия фондына мөрәҗәгать итәргә кирәкми. Түбән керемле гаиләләр өчен ана капиталыннан түләүләрне озайту тәртибе 2020 елның 1 октябренә кадәр гамәлдә булачак.

Моннан тыш, түләүләрнең автомат рәвештә озайтылуы Россия территориясендә теркәлгән яшәү урыны булмаган социаль пенсия алучылар өчен гамәлгә ашырылачак. Мондый гражданнарга Пенсия, закон нигезендә, факттагы яшәү урынын раслаучы шәхси гариза шартында билгеләнә.​ Алга таба түләү хокукын югалтмас өчен, гаризаны елга бер тапкыр тапшырырга кирәк. Әлеге тәртип хәзерге вакытта туктатылган.

ТР буенча РПФ бүлегенең Контакт-үзәге (843) 279-27-27

Белешмәләр өчен Телефон: 884348 2-26-71

Интернет-ресурслар www.pfrf.ru кат sprrt.ru

Бүген район башлыгына хәбәр ителгәнчә, кичәге көндә район кырларында 29 агрегат эшләгән.
Районның авыл хуҗалыгы һәм азык - төлек идарәсеннән алынган мәгълүматларга караганда, күпьеллык үләннәрне тукландыру буенча барлык мәйданның 25% ы эшкәртелгән, туңга сөрелгән җирләрне тырмалау буенча-2,3%, уҗымнарны тукландыру буенча барлык мәйданнарның 48% эшкәртелгән.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования