Бүген 19 октябрь көнне традиция буенча Призывник көне узды
Бәйрәм кысаларында кунаклар һәм «тантана сәбәпчеләре» өчен чаралар циклы оештырылды: һәлак булганнар һәйкәленә чәчәкләр салу, Яңа Чишмә гимназиясендә парламент дәресе , Яңа Чишмә урта мәктәбендә Яшь армиячеләр сафына кабул итү һәм алар арасында Спартакиада, бәйрәм концерты.
Тиздән безнең районнан 17 егет Россия армиясенә хезмәт итәргә китә. Чистай шәһәре, Чистай һәм Яңа Чишмә районы буенча хәрби комиссариат бүлеге начальнигы - А. В. Пичушкин көзге чакырылыш үткәрү турындагы Указны укыды.
Призывникларга котлау сүзләрен Яңа Чишмә муниципаль районы башлыгы урынбасары Н.И Попкова һәм генерал-майор, РФ Оборона министрлыгының Үзәк хәрби округы инспекторы А. П. Моловствов җиткерде, алар яшь солдатларга Ватан алдындагы бурычларын лаеклы үтәп сәламәт өйләренә кайтуларын теләде.
Надежда Ивановна район җитәкчелеге исеменнән барлык призывникларга шәхси гигиена кирәк яраклары тутырылган пакетлар тапшырды.
Район мәдәният йорты фойесында үзәк китапханә һәм балалар иҗаты үзәге тарафыннан әзерләнгән «елъязма дивары " оештырылды. Районның мәгариф учреждениеләре кыр кухнялары (Зирекле лицее, Ленин урта мәктәбе, Шахмай урта мәктәбе) әзерләгән иде.
Барлык катнашучылар да безнең булачак солдатларга игелекле һәм тиз хезмәт итүләрен теләделәр!